Bere izenean argitaratuko diskoetan ez ezik, beste hainbaten diskoetan ere parte hartu du, abestuz zein gitarra joz. Askoren artean egindako diskoen artean, aipatzekoak dira Bilbo Hiria irratia. 20 urtez euskal taupada (2017), Kantuz 1965-2015. Memoria eta desira (2015), Lou Reed, Mila esker (2014), Imanol Urbieta, Bakarrik eta libre (2013) eta Ehungarrenean hamaika. Lauaxeta (2005), besteak beste.

Horrez gain, ohikoa da bere ahotsa ezagutzea beste artista askoren diskoetan: Gose, Balerdi Balerdi, Piztiak, Rafa Berrio, Erraiak, Dama, Azken trena...

2022an bi diskotan parte hartu du: Joseba Irazokirekin Split disko batean, eta X5 kolektiboarekin, Abestiak gogoan diskoan.